About this poetry: Ye kavita mery pahali rachna hai, jo ki maine 1996 me likhi thhi tab mai kavita ka matlab thheek se janta bhi nahi thha. Mai ise apne bachpan ke pyaar ko samarpit karta hun.

ham tumse juda ho gaye hain

lakin dil se tumhari yaden gayee nahi hain

kabhi batthe rahate thhe pedon ki chhaon me

kabhi ghuma karate thhe sapno ke gaon me

har samay tum mujh par aur

mere man par chhayee rahati thhi

lekin aaj, tum kahin ho

aur ham kahin hain

tumse juda hokar to

mere saath meri parchhai bhi nahi hai

wo sajile din bhi thhe

jo lagte thhe rangle sapne se

mere saath tum hoti thhi

aur anjane bhi lagte thhe apne se

aaj to apne bhi

anjane se lagne lagte hain

pyar se bulane wale bhi

begane se lagne lagte hain

ham to tumhari yadon me

tadapte hain hardam

lekin tumko to sayad

hamari yaden aati hi nahi hain

aajkal garmiyon ke mousam me

jab thhandi hawa ki bayaren chalti hain

ya sham ko pahadon par suraj ki

sunhari kirne dhalti hain

tab yaad tumhari aa jati hai

dil ko bahut satati hai

ab to tumhari Yaadon Ki Kassak hi

mere saath hai aur kuchh bhi nahi hai

ham tumse juda ho gaye hain

lekin dil se tumhari yaaden gayee nahi hain