Jee me aye, ud ke gagan ko chhun lun

kaale badlon ko banaa ke jhula, jhulun

suraj ki kirno me samaa jaun

mai rang banke

ya bahati nadi ki dhara ke sang

bah jaun tinke ki tarah

ya shabnam ki bund ki tarah thhahar jaun

kisi hare patte par aur

bhor ka tara ban jaun.

sham ke suraj ki sunhari kirne bankar

phail jaun chhitara kar,

sama jaun hasin wadiyon me

ruphala jeevan bankar.

jee me aye, dhharkte dilon ki sham ban jaun

thharkte labon ka jaam ban jaun

mila deti hai andheron me bhi

jo tadpte dilon ko

yesi kisi benam wajah ka

naam ban jaun

kuchh na puchho, kya bhaye

bas jee me aye.